Naglabas muli ng bagong album na pinamagatang “Lockdown Sessions” ang singer, songwriter, at actor na si Inigo Pascual noong January 20, 2023. Nakapaloob dito ang pitong kanta na: “Options,” “First Impressions,” “Lost,” ”Araw Mo,” “Not Him,” “Catching Feelings,” at “Neverland.” Ang mga kanta ng “Lockdown Sessions” ay mga piling kanta mula sa kanyang sophomore album, “Options.”
“This EP feels like closing an important chapter in my life, The ‘Catching Feelings’ Era. So grateful and so blessed to have been able to work with everyone who was a part of #OptionsTheAlbum❤️ Hope you guys find the time to dig in to this ep and feel the lyrics more with these acoustic versions! These songs are are (sic) very important to me,” ibinahagi ni Inigo sa kanyang Instagram post.
Linabas ni Inigo ang “Options” noong 2021, at ang konsepto ng album ay umiikot sa self-discovery at “infinite options.” Ang kinalabasan ay isang album na malawak ang tunog dahil sa paggamit ng iba-ibang genre tulad ng dance pop, dance hall, R&B, at reggae.
Bilang singer, si Inigo ay kilala para sa mga kanta tulad ng “Dahil Sa’yo” na may mahigit kumulang na 109 million views sa YouTube at “Catching Feelings.” Kinanta rin niya ang Philippine version ng “Remember Me,” mula sa Pixar animated movie na “Coco.”
Maliban sa pag-awit, kilala rin si Inigo bilang isang actor na lumabas na sa iba’t-ibang pelikula katulad ng “Relaks, It’s Just Pag-Ibig” at teleserye tulad ng “And I Love You So.” Maliban din sa pagiging actor at singer dito sa Pilipinas, nakasama na rin si Inigo sa isang American TV show na “Monarch” bilang Ace Grayson.
Maaari niyong mapakinggan ang “Lockdown Sessions” ni Inigo sa link sa ibaba:
©️ 2023 Cornerstone Entertainment, Inc. All Rights Reserved.